Восень – гэта час правядзення кірмашоў. Вось і у нашай дашкольнай установе прайшла восеньская забава для дзяцей "Восеньскі Кірмаш". Педагогамі Цэнтра дзіцячай творчасці мерапрыемства было арганізавана сумесна з бацькамі, якія актыўна ўзаемадзейнічалі з педагогамі і дзецьмі.

Бацькі  разам з дзецьмі актыўна рыхтаваліся да свята: збіралі ўраджай са сваіх градак, прыносілі вырабы з садавіны і гародніны, рыхтавалі розную выпечку.

Адкрывалі мерапрыемства гаспаданя Лявоніха і вяселыя скамарохі, якія праводзілі цікавыя гульні, эстафеты і карагоды.

Канцэпцыя свята была накіравана на далучэнне дзяцей да культурных каштоўнасцяў сваёй краіны і выхаванню патрыятычных адносін да Радзімы.

"Восеньскі Кірмаш" скончыўся узнагароджаннем удзельнікау мерапрыемства, пачастункамі і выдатным настроем! Гэта яркае і запамінальнае мерапрыемства з гэтага часу стане штогадовай традыцыяй нашага дзіцячага саду.